الاستغفار
السلام عليكم ورحمة الله وبركاته
هالابيات سبق ونزلتها بس مالحقّت انز تعديلها فترة التعديل انتهت وهي هنا لكم
بثوبها الجديد <3
ياللي تشكي الهم وتقول منت مرتآح..
خلق لك رب العبآد بـ..{ الإستغفار .. رآحه
استغفـر وانت تشوف همك كيف ينزاح
وتذوق سعادة قلبك وانشراحه
ربك عليم وحده بتركيبة الارواح
وهذا دواك كانك تبي النفس مرتاحه
كنت اشكي الهم لفلان ، الدفتر و المصباح
ما زادوني الا هم وهذي الصراحه
كل من بتشكي له بتلاقي عن طريقك راح
افهم يابن الناس ما كل الناس مرتاحه
كل ٍالهم بقلبه .. غادي وسواح
وان كانك تدور سعادة قلبك هذا مفتاحه
بالدعاء سجدة وتر ..الفرج لاح
و قلبك بالدعاء خفاق ..اهدني يارب نفس مرتاحه
اطلب المغفره بنجواك وكل امرٍ مستباح
ومع الفجر تباشير الرحمه فواحه
استغفر الله العظيم رب العرش العظيم واتوب اليه
..
>
<
اضافه
:
الكتابه اللي فوق كانت مجرد تعبير لا اكثر
..
كنت عارفه ان الوزن مكسور وماتليق بإني انزلها بالمدونه
:$
حطيتها بالاقلاع وطلبتهم يساعدوني بالوزن ، وتجميلاً لماكتب اعلاه
هنا الابيات موزونه .. مع 1000 شكر للجميله
Dooltshi على التعديل
و القدير إبن دخيل على التصحيح
ميلاد جديد بشهر التجديد وحسناتي تزيد
/
.
السلام عليكم ورحمة الله وبركاته
مسيكم وصبكم الله بالخير /..كلن وجوه عاد


كل عام وانتم بـ 1000 صحه يارب ..

والله يجعلني واياكم من صوام شهره وقوامه ، ويعتقنا من نيرانه ، ويشملنا بغفرانه ، ويجعلنا بذا الشهر من من يثقل ميزانه ،
وينال احسانه ورضوانه ، ويثبت دينه وصدق ايمانه ، ويجعلنا مفاتيح للخير واعوانه
بعد ساعات بس ، فيه شي مهم بيصير بالعالم


خمنوا وش عاد ..؟؟

.
.
ايوه صح عليكم ، قدعين وابطال


موعودين بمغفره ..
>>>>>>>>>>> موعودين برحمه ..
>>>>>>>>>>>>>>>>>>> موعودين بكرم وشي اكثر من كذا بكثير

بعد ساعات بس ..
تتشرع ابواب الجنـه الـ8


وتناديكم كل يوم ( تعالوا لي .. تعالوا لي )



تتربط الشياطين ..
تتسكر ابواب النـار

يعني رحمة بتغشى قلوبنا وتعطرنا من سماء الدنيا للارض


والمنافسه تبداء تحتد وتحمى ..هذا ختم القران اربع مرات ..وذا حريص على التدبر ..وذاك مرتب له برنامج دعوي..الخ
هذي فرصة عظيمه ..من رب اعظم وأكرم


تعالوا نعيش هالشهر بطريقة غير


اعتبروها تجربة بحياتكم ..اممم مغامره جديده تعيشونها مع انفسكم

شهر تخلدون له ذكريات من الشغل والتعب والجهد وتضيفونه لقائمة ذكرياتكم وايامكم الحلوه

تعالوا نجدد ..علاقتنا مع الله ..نتصالح مع انفسنا
نتوووب..ونتطهر من كل الذنوب

اللي جابت لنا الغم ..والامراض ..وحبست ارزاقنا
وحرمتنا من لذة الخشوع بين يدين الله

تعالوا نتووب لله توبة نصوح من كل ذنب صرفنا عن طاعته


فرصه نعيش بطهاره .. ونقاء .. ونخلي حياتنا اكثر صفاوه ..

الجو مهيأ لنا تماماً .. عشان نبدا بداية جديده ..
كل اللي عليكم انفسكم .. تشدون همتكم وتلزمونها بالطاعات وتبعدون عن الملهيات لانها بتحشي عقولكم
على الفاضي وتضيع عليكم فرصه اغتنام هالشهر الفضيل

بس خذوا القرار ...
المسلسلات كلهااا تنعاد بعد رمضان


هالشي مهوب نافع ، بالاخير ان رحتي لباريس ولا البطحا

فـ حرام تفوتك فرصه زي هذي مهمه وممكن تكون نقطه تحول بحياتك

عشان لبس فنانه وتهريج مذيع !!

هذي الاشياء كلها حشو عقل على قل منفعه وتفتر القلب عن الطاعه

ايه نتابع التلفزيون بس برامج تنفعنا .. تشحذ همتنا .. توجهنا وترشدنا نحسن صيامنا وللي ينفعنا
زي برامج ..العوده / الخراز / عمرو خالد / العوضي /الثويني ..الخ



وبرنامج واثنين كافي ..وباقي الوقت لانفسنا

~ تفكروا ..
..قال رسول الله صلى الله عليه وسلم:” ما أتى على المسلمين شهر خير لهم من رمضان ، ولا أتى على المنافقين شهر شر من رمضان ، وذلك لما يعد المؤمنون فيه من القوة للعبادة وما يعد فيه المنافقون من غفلات الناس وعوراتهم، هو غنم للمؤمن يغتنمه الفاجر“
خلونا نعطي ارواحنا فرصه بهالشهر

نحيى من جديد .. ( ميلاد جديد ) ..ننسى معه كل اعمالنا الصالحه قبل اذان الفجر لـ 1 / 9
وننسـى معه كل اعمالنا الفاسـده قبل 1 / 9
ونتذكر شي واحد بس ( ان لنا رب غفور رحيم ) ..نعيش باحساسنا بهالشهر ..
نعيش مع الله .. وله .. كيف ؟؟
نتوب .. ننوي ..نخلص .. نتقي ..
هذا شهر التقوى .. بنطلع منه وحنا انقى واقوى

*همسه بإذن اللي انشغل عن الشهر بتجهيزات العيد ..
طعم فرحة العيد مايذوقه ..الا اللي عاش بشهره التجديد




لاتنسـون تنـوون قبل تمسكون لاول يوم من رمضان ..
( من صام رمضان ايمانا واحتسابا غفر له ماتقدم من ذنبه )


نعلن لك الطاعه ..في هذا الساعه ..ولياً لنا جماعه !!
.
.
السلام عليكم ورحمة الله وبركاته
.
.
صباح مملاً ولابأس به..
هدوء يمزق اشلاء الصمت
ويبدو انه معتاد
صوره روتينه بلا ابعاد
عيونٌ ورديه ، ارهقها السُهاد
توفي ولي العهد.. والفوضى تعم البلاد
من بعد سلطان ، نايف والفرح ساد
خير خلفٍ لخير سلفٍ والخير بإزدياد
تبع نايف سلطان واُعلن الحداد
وسلمان خير خلف بلا شكٍ وارتياب
أُطرب الشعب فرحاً والثناء لرب العباد
تفخر بك الولايه يا صانع التاريخ والامجاد
كم شهدت لك الرياض حنكه وحكمه وكل البلاد
نحن بعون الله لك يد وذراع وللطاعه امداد
نبايعك ولياً للعهد..نبايعك ولياً لنا ..نبايعك ..نبايعك ..
(وما كان الله معذبهم وهم يستغفرون )
ياللي تشكي الهم وتقول منت مرتآح..
خلق لك رب العبآد بـ..{ الإستغفار .. رآحه
استغفـر وانت تشوف همك كيف ينزاح
وتذوق سعادة قلبك وانشراحه
ربك عليم وحده بتركيبة الارواح
وهذا دواك كانك تبي النفس مرتاحه
كنت اشكي الهم لفلان ، الدفتر و المصباح
ما زادوني الا هم وهذي الصراحه
كل من بتشكي له بتلاقي عن طريقك راح
افهم يابن الناس ما كل الناس مرتاحه
كل ٍالهم بقلبه .. غادي وسواح
وان كانك تدور سعادة قلبك هذا مفتاحه
بالدعاء سجدة وتر ..الفرج لاح
و قلبك بالدعاء خفاق ..اهدني يارب نفس مرتاحه
اطلب المغفره بنجواك وكل امرٍ مستباح
ومع الفجر تباشير الرحمه فواحه
استغفر الله العظيم رب العرش العظيم واتوب اليه ..
و يوم أن عرفت أن للدعاء " قوه " تكسّر الروس اليآبسه ..!!
بسم الـ إله وحـده ..
وصلى على من لانبي بعده ..
ونقراء كل صبح ومسى " له مافي السموات والارض "
ونردد بقلبٍ خفّآق ( له المُلك وله الحمد وهو على كل شيئ قدير .. ).
و تتطهر عقولنا باللجوء الكآمل له وحده
عند المصيبه فقط !!
عندما يَخذِلُنا الجميع .. وكل خيالآتنا التي نطمئن بها حاجتنا البشريه
للسند و المعين تتحطم إثر خذلان الاخرين المتكرر لنا ..
فلا هذا دعآ..
..........ولا ذا قدّر وشكر..
......................وذلك لم يكترث أصلاً..!!
سُحقاً للبشر ..عِبادٌ مملوكون ..
أو نسألهم خيراً وهم لايعقلون !!
وكأن القادر بقدرته على انتشآلنا مما كنا نعانيه
غير قادر على انتشالنا مما نشكوه !!
من امورنا البسيطه و العارضه ..؟!
.............................." بلى وهو الخلاق العليم "
نردد مشاكلنا كثيراً بدواخلنا ونعيد تنسيق بيانها وتهذيبها
ووحده سامع لذلك الصوت وذلك الهذيان المرتعش بتعب في دواخلنا
......................................" يَعْلَم خَائِنَة الْأَعْيُن وَمَا تُخْفِي الصُّدُورُ "
و كأن من أصآبنا بالخُذلانِ مراراً وتكراراً
وماكسر راسه عناده الادعوه
أطرقت رأسه ، و كان أمر ربه رغم انفه
................" تبَارَكَ ٱلَّذِي بِيَدِهِ ٱلْمُلْكُ وَهُوَ عَلَىٰ كُلِّ شَيْءٍ قَدِيرٌ "
هنا يكمُن الذكاء بالصبر والجلَدْ.. بالأمل ..والكفآح
نعم والرجآء...
.............لكن
....................{..كله به وله ..
....................ولاحول ولاقوة ألا به
....................عليه توكلت وهو رب
....................العرش العظيم ...}
يُظلِلنَنـا ولا نتجاوزهُنْ .. نَراَهُنْ ولا نعرِف مِمَّا هُنْ !!
سبحآن من خلق السمآء ممآ لانعلم ..
وجعلها كل يوم في شكلٍ و لون ٍورسمٍ و فنْ..
وقد رأيتها بيضآء ناصعه وأخرى بسوادٍ حآلكـ
وكانت ذات يومٍ كحليه و ليلكيـه وذهبيـه ، وتدرجت بالسمآوي امتزاجاً بالبرونزي بشكل آسر..
وتلونت بالأحمر والزهر واندمجت مع البنفسجي..
وتارةً يعبث بصفآء زرقتها رسم عشوآئي بطباشير السُحُب النقيه ..
وكآنت في احدى ليآلي ا الفجر البآرده مزدآنةً بالنجوم اللآمعه المتناثره على كآمل صفحتها
كـ قطعة قماش فآخره لمُصمِمْ راقي مُلئت بقطع السوارفسكي المتناثره باحجام مختلفه
كل قطعةٍ تبآهي الاخرى بقدرتها على لفت الانظار و حبس الانفاس ببريقها المتوهج
فكلمآ أمعنت النظر إلى جزء حآلك السود في السمآء
يفآجئني بريق يظهر فجأه ثم يخفت
تروقني الطبقآت المتداخله في السمآء الخريفيه للغيـوم
و حينها تختلف سرعه سير طبقاتها بقدرة ربها
واتنتعش روحي عندما ارى هيبـة السحآب المُسيّر .. وسعة هذا الكون ..وعظمة السمـآء
فأتذكّر ..
{ أوليس الذِي خَلَقَ السَّمَاوَاتِ وَالْأَرْضَ بِقَادِرٍ عَلَىٰ أَن يَخْلُقَ مِثْلَهُم ۚ بَلَىٰ وَهُوَ الْخَلَّاقُ الْعَلِيمُ }
سبحان من له ملكوت كل شيئ .. ويسجد لعظمته كل شيئ
سبحان من ليس كمثله شيئ
سبحانك اللهم ربي
سريع و لذيذ ومفيد بـ 2/1 ساعه بس !!
يقولون الجوع ..( كآفر../..
نظام حياتنا صار لازم كل فتره وفتره يجينا مطب ويلخبطه له لنا
سهر.. اشغال ..ضيف غير متوقع .. فطور جماعي
كل ذا يتحتم علينا احيانا ان حنا ندحل المطبخ وندبر راسنا حتى لو ماعندنا وقت
قررت اليوم اكتب مدونه عن اكلات الشغل فيها ما أخذ مني اكثر من نص ساعه مكسيموم
وكل مكوناتها طبيعيه 100% .. يعني فوق ماهي سريعه مفيده باذن الله
نفيد فيها القوعانين..والرفلين ..والمتوهقين
نبداء بسم الله
.
.
اسهل واخف شي بالحياة
زبادي وملعقة اعشاب
طُعُم ويسد الجوع ومفيد
ينفع ع الترويقه وينفع نص الليل للقوعانين اللي مايحبون بربسه المطبخ
وفيه طريقة ثانيه احلا .. اسميها { اكسير الجمال
1م عسل طبيعي
نص ليمونه
رشة بذر كتان
رشة حبة سوداء
رشة ملح
وفيه طريقة الديب الابيض برضوا اعشقها
م طحينيه سايله
نص ليمونه
رشة ثوم + ملح
نص ملعقة كمون
زيت زيتون ( ملئ غطاه )
خل ( نفس الشي )
وبـ1000 عافيه
سلطة فروت ..
جح مقطع مكعبات ومنظفينه من البذر ونتركه على جنب تنزل مويته
ونكمل شغل بالباقي
ننتف العنبات من العنقود خخخ
موز مقطع شرايح
برتقال مقشر ومقطع مكعبات
تفاح مقشر ومفطع مكعبات
خوخ ومشمش مكعبات ..
[.. والخيار لكم اضيفوا اي نوع فواكهه تحبونه ..او موجود عندكم
بس نوعوا بالمذاقات لاتركزون ع الحمضيات بس
وزعوا الفواكهه بالصحن بشكل عشوائي
مره حطوا موز ومره عنب ومره تفاح ومره كيوي وهكذا
* ماتنخلط زي السلطه الخضراء عشان ماتنهرس الفواكهه وتنعصر
يارآآيق
برتقالتين او اربع حسب نوع البرتقال
اذا قطعنا البرتقاله الاولى نقطع منها شريحه لتزيين ونخليها على جنب
نعصر البرتقالتين و بعدين بالكوب معها شوية ثلج مجروش ونغطيه
بشريحة برتقال
مكرونه بالحلبة والثوم
فصين ثوم
1م حلبه
1 م كمون
رشة فلفل اسود وملح واي بهار تبونه
نحط المقادير بقدر ومعها المكرونه ونصب فوقهم ماء قليل يادوب يغطي المكرونه
عشان تستوي
وع النار العاليه ربع ساعه
وبالف عافيه
بطاطس مسلوق
بطاطس + بصل
فلفل اسود ملح كمون وكركم
نقطعهم حلقات ونصفهم بالقدر طبقات
مره بطاطس مره بصل عشان ياخذ البطاطس حموضه البصل
وبالقدر ثلث ساعه
له طريقة ثانيه ..
تقطعون البطاطس حلقات + عصير ليمون وزيت زيتون ..والبهارات نفس اللي فوق
طعمه الييم و حامض ..
امي شافتنا ادمنا البطاطس وطلعت بحركه ثانيه
تحط حلقات البطاطس مع بصل مقطع بصينيه وتصب فوقهم زيت بكميه تغطيهوالطعم
بس اللي ودهم يحافظون على رشاقتهم ماننصحهم فيها ابد
بطاطس بالفرن
بطاطس مقطع بالطول
زيت زيتون
خل ، فلفل اسود ، ملح
نلفهم بالقصدير مضبوط زبالفرن ربع ساعه
كرات البطاطس
بطاطس
ثوم وكمشة بقدونس بهارات ( فلفل اسود وملح وكمون ) بيض
نقشر البطاطس ونقطع كل حبه 3 قطع سميكه نسلقها لحد ماتلين من جوا
انا خليتها ثلث ساعه وهو على حسب حجم البطاطس
وقبل ماتخلص نحمي الفرن ونحط داخلها صينيه مدهونه بزيت
نهرس البطاطس بصحن ونضيف لها كل المكونات باستثناء البيض
نكورها ونغمسها بالبيض ونصفها بالصينيه
ونتركها دقايق بس لحد مايتحمر البيض
* لازم الصينيه مدهونه بزيت عشان مايلزق البيض ولازم مسخنه قبل عشان البيض مايسيح بكل مكان
مكرونه بالبطاطس
3 فصوص ثوم + بصل + طماط + صلصه حمرا حسب الرغبه
فلفل اسود + فلفل احمر + ملح + كمون +بهارات مشكله
نقطع البطاطس بشكل طولي ونحطها بالقدر تغلي عشر دقايق
بعدين نضيف المكرونه وباقي المكونات ونتركها ربع ساعه
وصحتين
مقرمشات صحيه
فرقها عن خرابيط البقاله ان مكوناتهاطبيعيه يعني تشبّع وتملى البطن وتعطي حواسكم اكتفاء
مهوب خرابيط البقاله تلاقون انفسكم مخلصين الكيس كله وماحسيتوا ابد ههههههههههاي
اكروفك ثوم .. تلاقونه بالسوبرماركت قسم الاكلات اليابانيه
فيشار ..
ملعقتين زيت وبالقدر المغطى لحد مايخلص الفيشار
الاكروفك يحتاج لتقليب وكل حبه تستوي بسرعه
انا اريح راسي واحطه بزيت غزير اسهل
مايحتاج اضافات وصوصات طعمه منه وفيه
قراميش الخبز
حمروا صينيه ودخلوها بالفرن
بقطاعات العجين قطعوا التوست بأي شكل تبونه
وغطوه باي شي تبونه
انا هنا قطعت التوست على اشكال ورق البلوت
ومسحت القلب بجبنه ورشيت فوقها سماق
واللي على شكل فيشار خخ مسحتها بزيت زيتون و زعتر
واتركوها شوي خمس دقايق وحولها لحد ماتتيبس وتفوح ريحتها
.
.
خبز محمص " يقرمشش "
نحمي الفرن على اقـوى شي
ونقطع التوست بشكل طولي ونمسح وجه كل قطعه بزيت الزيتون
و رشوها بالبهارات اللي تحبونها ..
ندخلها الفرن 10 دقايق او اقل لحد ماتتيبس
انا سويتها كذا : ~
( ثوم + فلفل احمر )
( كمون + فلفل اسود )
( بهارات السمك من اسناد ) طعمها الييم وفيها ملوحه اعشقها لدرجة اني صرت احطها بكل شي =$

لفة زعتر
عجينه العشر دقايق نفردها ونرشها بنص كوب زعتر ونعجنها ونرجع نفردها من جديد
وندخلها الفرن ونخليها لحد ماتستوي
ونطلعها وندهنها بزيت زيتون ونرجع نرشها بزعتر ونلفها
واللي مايلقون عندهم زعتر هذي طريقة حلوه تعطي نفس مذاق الزعتر الجاهز
الزعتر :
اوريغانوا
سمسم
عصير نص ليمونه
خبز الشوفان
احلا من الخبز العادي بالف مره ..
نشاء اقل من نص كمية الشوفان + شوفان + زبادي + 7 حبات حبة سوداء
سخنوا الصينيه ع النار
جيبوا صحن حطوا فيه كمية الشوفان اللي تكفيكم
واخلطوا معها زبادي بالكميه اللي تخلي الشوفان يتماسك بس
ممكن تضيفون له بهارات او اي منكهات لو حابين
صبوه وصفصفوه وانتم تصبونه على شكل دائره
لاستوا اقلبوه ع الوجه الثاني
وبـ 1000 عافيه
اللي يبغون الخبز يكون مرتب معهم وعجينته مريحه يضيفون طحين بقد كمية الشوفان
بس انا ماحس حلاوة طعمه الا بالشوفان لحاله وهو افود
شوربة كويكر
نحمس الكشنه بقدر ( بصل وطماط " مكعبات " + بهارات ملح / كمون / ليمون اسود )
نص كوب شوفان نصب فوقه ماء فاتر " نملا باقي الكوب " .. ونخلطه " عشان ماينعجن لاطبخناه "
نضيفه فوق الكشنه + 2 م صلصة طماط
ونتركه على نار هاديه 5 دقايق او اكثر
شوربة كويكر بالبطاطس
بصل ، طماط ، بطاطس نقطعهم مكعبات ونحطهم بالقدر مع نص كوب ماء
نضيف لهم البهارات ( ليمون اسود ( مجفف + مطحون ) فلفل اسود ، كمون ، قرن فلفل طازج ، ملح )
الصلصه ( 5 ملاعق كاتشاب + 2 م صلصه حمراء )
ونتركهم ثلث ساعه وبعدين نضيف الكويكر وكمشة بقدونس ونتركه 5 دقايق
وبـ العافيه =)
حمص
علبة بليله
2م ك طحينه سايله
1 م حمص مطحون ( للي يحبون الثقل بالطعم )
4 فصوص ثوم
2 م ليمونه
1 م ممسوحه كمون
نهرس البليله والثوم ونحط كل المكونات بالخلاط
نرش الوجه بزيت زيتون ونزينه بحبات بليله وبقدونس
حلا قهوه
القى اول الورقه اللي فيها المقادير وارجع اكتبه لكم
سلطة التفاح بصوص القرفه
نقطع التفاح مكعبات ونرش فوقه ملح وعصير نص ليمونه
صوص القرفه ~
2 م زبادي
2 م سكر
1 م ص قرفه
وع النار لحد ماتغلظ شوي
بلا عنـــوان .. المحتوى يكفي =|
في الليالي البارده عندما يخيم السكون المكآن ،
والفرآغ يكرر في دآخلي صدىً مزعجاً لكل الأحاديث ..
وفجأه يبداء صوت ريآح الشهوة بالأزيز ..
ليقطع سكون ليلي بصراخٍ عالٍ..مزعج
عندها " أحشو أُذُنْيّ بالقُطنْ و أخلُق في رأسي قارة لامبالآة و أنام قريرة العين ..
فـ أنا اعلم
................. أعلم أنها لن تستمر في الصرير و أرجحة النوافذ وتلاطمها
و ترجيف الابواب إلى الابد !!
فلو فتحت الباب للريح للتكف عن الرجفان فيه واصدار الاصوات المزعجه
فستكتسحه الرياح بقوتها وتدمر كل مافيه التحف ، زجاج النوافذ ..
كلها تتحول الى شظايا مجنونه ..
من تخبُط رياح عابثه
القناديل ستُطقئ ، الغُبآر سيغطي كل الزوايا
وسيعُّم الخرآب في جسدي سيعم..
.... إلا مارحِمَ ربي ..إلا مارحِم =/
{ ..فآصله ،
الشهوة بنت كلب وش ماتعطونها ماتعطيكم
واذا غذيتوها تقاوت عليكم
اللهم اغث الصومال..بقطره من قطرات رحمتك وفيضه من فيضان كرمك تحيي ارضهم وتروي ضمأهم
.
/
.
مساء الخير
مؤازرة للاحداث اللي صايره بالصومال ..
صممت هالتصميم..
للأسف كل يوم يموتون ناس واطفال .. و ولاجهة فتحت مجال للتبرعات والمساعدات ..
مالنا الا ندعي لهم .. وننتظر العالم يتحرك ويفتحون لنا مجالات التبرعات !!
{..ياودود ياودو يامبدء يامعيد ياذا العرش المجيد يا نور السموات والارض
اللهم يامن خلقت الخلق بغير مثال ويامن بسطت الارض بغير اعوان
ويامن تدبر الامور بغير وزير وترزق الخلق بغير مشير
اللهم اغث عبادك المسلمون في الصومال ..اللهم اسقهم غيثا مغيثا هنيئا مريئاً غدقاً مجالاً سحاً عاماً طبقاً دائماً عاجلا غير اجلا يارب العالمين
و احي ارضهم واروي ظمأهم واطفئ جوعهم يارحمن ارحمهم انك بهم رحيم
وصلي وسلم على نبينا محمد واله وصحبه اجمعين
>
<
واخيراً ..بدأت حملة خادم الحرمين الشريفين .. تبرعات الشعب :$
وتم تخصيص الحساب الموحد رقم "20177777000104" لدى البنك الأهلي التجاري لتلقي التبرعات النقدية، فيما تم تخصيص الآيبان رقم "SA 431 00 000 201 77 777 000 104"؛ للتحويل من البنوك الأخرى لحساب الحملة بالبنك الأهلي التجاري. كما يمكن الإيداع من خلال هاتف الأهلي المصرفي المجاني رقم "8002443333"، أو من خلال موقع البنك الأهلي على الإنترنت الأهلي أونلاين www.alahlionline.com، أو من خلال أجهزة الصرف الآلي الخاصة بالبنك الأهلي التجاري "A.T.M"، أو عبر التحويل من خلال أجهزة الصرف الآلي الخاصة بالبنوك الأخرى "A.T.M". وأوضح المدير التنفيذي للحملة مبارك البكر،
X شبابيك غاليانـو x..اول ماركه سعوديه تكتسح الاسواق العالميـه { مشاركتي بفعالية التصاميم } 2
فستـان سهـره اورغنـزا بنفسجـي من فـوق كورسيـه ومن تحـت قصـته فرنسيـه ماسكـه لنص الارداف بعدين تتوسـع بشكل مستقيم زي حرف A
هالقصـه خطيـره واكثر شي تنـاسب بنات التفاحـه ( اللي كتوفهم عريضه ) تسوي لهم توازن بشكل الجسم
طبعا الفستان بكتف واحد مسحـوب من تحت اليـد اليميـن بقطـعه ساتان من نفس لون الفستـان ..
واللي تشوفونه عليها مهوب درابيه .. لا هي عباره عن ثنيات مرتبه
ورود بارزه من وسط الكورسيه وطالعه للكتف اليسـار..والحزام جاي قطعتين وحده اورغنزا والثانيـه ساتان
واخرهم لولو منثور بطريقه مرتبه بتدرجاته ( البيج الغامق " لون الكابتشينو " / الذهبي الفاتح / والؤلؤي العاجي )
والكلاتش نفس الشي
{ تفاصيل
.
.
فستان سهره فوشي نص كم شيفـون مشدودمن الخصر بدرابيهات و وسيع وطايح من تحت
والاكمام عليها وردات مشغوله ومنثور وسطها وحولها ستراسات بنفس اللون
وبما ان الفستان مافيه دهره كثير.. مسكت المودل شنطه كلاتش معدنيه لونها ذهبي وكلها سوارفسكي
فستان من الاورغنـزا البيج الكريمي ..
نبـداء من عنـد الصـدر فيه كلفـة دانتيل مشكوكه ومشغول فيها
والصدر درابيهات مع كموم بف نفس الفكره درابيهات والخصر مربط بقطع جرسيـه
وقصه الفستان من تحت ناعمه جداً بعدين تصير بف على خفيف والفستان من عند الاطراف فيه مطاط يسحبه على الداخل
.
.
تيـور ..التوب من الاورغنـزا المشمشي الفاتح .. فيه كذا طيات بالوسط..
والكموم بف جاي على شكل طبقات من قشور السمك
التنوره واضحه هاي ويست بف تفته اسود وتنفتح مع المشي وتطلع كسرات دانتيل
الحزام 3 وردات من الشامواه
زووم